༄།ཡི་གེ་ཨེ་ལྦམ་གྱི་དོན་དང་འགྲེལ་བཤད་ནི། |
Meaning of letter A & Wam in Tibetan letter |
༄།ཆོས་ཀྱི་ཕུང་པོ་བརྒྱད་ཁྲི་དང་།
བཞི་སྟོང་གི་ནི་གྲངས་སྙེད་ཀྱི།
ཀུན་གྱི་གི་དང་ཕ་མ་ནི།
ཡི་གེ་གཉིས་སུ་དེ་བཞིན་བསྟན།
ཡི་གེ་ཨེ་ནི་མར་གྱུར་ལ།
ཝ་ནི་ཕ་ཞེས་བྱ་བར་གྲགས
ཐིག་ལེ་དེར་ནི་སྦྱོར་བ་སྟེ།
སྦྱོར་དེ་ཤིན་ཏུ་རྨད་བྱུང་བའོ།
ཨེ་ནི་པདྨ་ཞེས་བཤད་ལ།
ཝ་ནི་རྡོ་རྗེ་ཉིད་ཡིན་ནོ།
ཐིག་ལེ་དེར་ནི་ས་བོན་ཏེ།
དེ་ལས་འགྲོ་བ་རྣམ་གསུམ་བསྐྱེད།
ཨེ་ནི་ཤེས་རབ་ཉིད་གྱུར་ལ།
ཝ་ནི་རབ་དགའི་བདག་པོའོ།
ཐིག་ལེ་མི་ཤིགས་དེ་ཉིད་དེ།
དེ་ལས་ཡི་གེ་ཉིད་ཀྱང་སྐྱེ།
༄། ཨེ་ཡིག་མཁའ་ཁམས་དབུས་སུ་ནི།
སངས་རྒྱས་ཀུན་གྱི་བདེ་བ་ཡིན།
ཝམ་ཡིག་རྡོ་རྗེ་སེམས་དཔའ་ནི།
སྐུ་གསུང་ཐུགས་ཀྱི་རྣལ་འབྱོར་ལས།
ཐིག་ལེ་ཟླ་བ་ཁུ་བ་སྐུ།
རྣམ་པར་བཅད་པ་རྡུལ་ཉི་གསུང་།
ཨ་ཡིག་མུན་ཅན་ཐུགས་རབ་བརྗོད།
མཁའ་ཁམས་ཨེ་ལ་རྣམ་པར་གནས།
སྐུ་གསུང་ཐུགས་ཀྱི་རྣལ་འབྱོར་གྱིས།
སྐུ་གསུང་ཐུགས་ཀྱི་དཀྱིལ་འཁོར་ལ།
སྐུ་གསུང་ཐུགས་དང་ཆགས་པ་ཡིས།
སྲིད་གསུམ་བདག་ཉིད་དག་ལ་གནས།
Hi. I’m Designer of Blog Magic. I’m CEO/Founder of ThemeXpose. I’m Creative Art Director, Web Designer, UI/UX Designer, Interaction Designer, Industrial Designer, Web Developer, Business Enthusiast, StartUp Enthusiast, Speaker, Writer and Photographer. Inspired to make things looks better.
0 comments:
Post a Comment